Gweithgareddau Lledaenu Bygiau

Datblygwyd e-Byg i’w ddefnyddio mewn ysgolion cyn COVID-19 felly efallai y bydd angen i chi addasu rhai o’r gweithgareddau ar sail canllawiau cadw pellter eich ysgol. Barnwch chithau a dywedwch wrthym sut rydych chi wedi addasu’r gweithgareddau, neu os hoffech drafod syniadau cysylltwch ag Healthy.schools@wales.nhs.uk neu Ysgolion.Iach@cymru.nhs.uk

Gweithgaredd hylendid resbiradol

Yn addas i Gyfnodau Allweddol 1, 2 a 3 a grwpiau cymunedol.

Gwyliwch y fideo uchod os gwelwch yn dda i weld dangosiad llawn o’r gweithgaredd hwn.

Mae’r gweithgaredd hwn wedi bod yn boblogaidd mewn sawl sefyllfa wahanol, gan gynnwys gwasanaethau ysgol, sioeau a gwyliau gwyddoniaeth, ac hyd yn oed mewn digwyddiad lansio brechlyn ffliw i bobl broffesiynol ym maes iechyd cyhoeddus! Mae’n dangos y ffordd orau o gadw peswch a thisiad rhag gwasgaru microbau.

Gallwch weld crynodeb o’r cyfarwyddiadau i ysgolion a grwpiau cymunedol yma. Mae dolen yn yr adran lawrlwytho isod hefyd.

Dwylo Difrifol (10-15 munud)

Yn addas i Gyfnodau Allweddol 1 a 2, a grwpiau cymunedol.

Yn y gweithgaredd hwn byddwch yn defnyddio gel UV a thortsh i ddangos lledaeniad microbau drwy gyfrwng ein dwylo. Mae’r hylif UV anweledig yn cynrychioli’r “microbau ffug” tra bo’r tortsh yn cynrychioli “canfyddwr microbau”, oherwydd dim ond o dan olau UV y gallwch chi weld y gel.

Gallwch weld crynodeb o’r cyfarwyddiadau i ysgolion a grwpiau cymunedol yma. Mae dolen yn yr adran lawrlwytho isod hefyd.

Yr Arbrawf Sebon, Dŵr a Phupur (10 munud)

Yn addas i Gyfnodau Allweddol 1 a 2 a grwpiau cymunedol.

Yn y gweithgaredd hwn byddwch yn defnyddio dosbarthwr sebon llaw, pupur a dŵr i ddangos pam fod angen i ni ddefnyddio sebon i olchi ein dwylo a pham nad yw dŵr ar ei ben ei hun mor effeithiol.

Gallwch weld crynodeb o’r cyfarwyddiadau i ysgolion a grwpiau cymunedol yma. Mae dolen yn yr adran lawrlwytho isod hefyd.

Os ydych chi’n cefnogi dysgu yn y cartref neu’n gweithio gyda grwpiau bach o blant, mae gennym weithgareddau ychwanegol am ficrobau a lledaeniad heintiau yn ein Pecyn Gweithgareddau i Arweinwyr a Gwirfoddolwyr ar gyfer Bathodyn Ieuenctid y Gofalwr Gwrthfiotigau. Cliciwch yma i agor yr adnodd hwn.

Ydych chi wedi gwneud unrhyw weithgareddau sy’n debyg i’r rhain?

Gadewch i ni wybod am eich profiadau yn y sylwadau isod.