Crynodeb o wythnos 1

Diolch yn fawr am gwblhau wythnos gyntaf y cwrs Hyfforddiant e-Byg i Addysgwyr Iechyd, gobeithio eich bod wedi ei fwynhau hyd yma!

Yr wythnos hon cawsom gyflwyniad i ficrobau, gan gynnwys esiamplau o ficrobau defnyddiol a niweidiol ac ymhle y gallwn eu canfod mewn bwyd, ar ein cyrff neu yn y cartref. Aethom ati i edrych ar bwysigrwydd Hylendid wedi’i Dargedu, h.y. hylendid ar adegau allweddol pan mae microbau niweidiol yn fwyaf tebygol o ledaenu. Yna aethom ati i edrych yn fanylach ar olchi’r dwylo ar eiliadau/adegau critigol i ostwng lledaeniad haint. Edrychom hefyd ar ledaeniad heintiau drwy gyfrwng ein dwylo a thrwy besychu a thisian, sut y gallwn ni atal hyn drwy hylendid resbiradol da, a gweithgareddau ymarferol y gallwch eu defnyddio yn eich ysgol neu grwpiau cymunedol i ddangos lledaeniad ac ataliad heintiau.

Yr wythnos nesaf yw Wythnos Dau, ac rydym hanner ffordd drwy’r cwrs e-Byg i addysgwyr. Yn ystod Wythnos Dau, byddwn yn edrych ar hylendid bwyd a hylendid y geg, gan gynnwys microbau a gludir gan fwyd, croeshalogiad a sut i’w atal, yn ogystal ag effaith bwydydd a diodydd llawn siwgr ar iechyd ein cegau. Byddwn yn edrych ar hyn yn fanwl gan ddefnyddio astudiaethau achos, fideos, a gweithgareddau rhyngweithiol i roi golwg gyffredinol ar y pynciau hyn ac awgrymu syniadau ynglŷn â sut y gallwch addysgu’r pynciau hyn yn eich ysgol neu leoliadau yn y gymuned. Edrychwn ymlaen at eich gweld chi yma eto yr wythnos nesaf ar gyfer Wythnos Dau’r cwrs e-Byg i addysgwyr.

Gadewch i ni wybod yn y sylwadau isod:

• Oes gennych chi unrhyw gwestiynau am wythnos un?
• Beth yw’r brif neges rydych chi’n ei chymryd gyda chi o’r wythnos hon?