Crynodeb o wythnos 2

Diolch am gwblhau ail wythnos y cwrs e-Byg i Addysgwyr Iechyd.

Yr wythnos hon rydym wedi edrych ar hylendid bwyd a hylendid y geg, gan gynnwys sut i atal salwch a gludir gan fwyd drwy olchi’r dwylo ar bwyntiau critigol ac atal croeshalogiad. Rydym hefyd wedi edrych ar bwysigrwydd gofalu am hylendid da’r geg a chadw unrhyw fwydydd a diodydd llawn siwgr a gymerwn i amseroedd prydau yn unig er mwyn sicrhau ein bod yn cadw’r “ymosodiadau siwgr” mor isel ag sy’n bosibl. Rydym hefyd wedi edrych ar weithgareddau ymarferol y gallwch eu defnyddio i addysgu hylendid bwyd da ac iechyd y geg.

Yr wythnos nesaf yw wythnos tri, wythnos olaf y cwrs e-Byg i addysgwyr pan fyddwn yn ymdrin â gwrthfiotigau a hunanofal gyda gweithgareddau “Trechu’r Bygiau” e-Byg. Mae nifer o’r pynciau rydyn ni wedi edrych arnynt hyd yma wedi trafod ymlediad heintiau ac effaith gyffredinol ein hymddygiad ar ddatblygiad ymwrthedd i wrthfiotigau. Byddwn yn trafod gwrthfiotigau ac ymwrthedd i wrthfiotigau yn fanylach, er mwyn cael golwg fwy trwyadl ar y pwnc iechyd cyhoeddus pwysig hwn: gyda fideos, gweithgareddau rhyngweithiol ac astudiaeth achos. Edrychwn ymlaen at eich gweld chi yma eto wythnos nesaf ar gyfer wythnos olaf y cwrs e-Byg i addysgwyr.

Gadewch i ni wybod yn y sylwadau isod:

• Oes gennych chi unrhyw gwestiynau o wythnos dau?
• Beth oedd eich prif neges i’w chymryd gyda chi o’r wythnos hon?