Gweithgareddau Trechu’r Bygiau

Datblygwyd e-Byg i’w ddefnyddio mewn ysgolion cyn COVID-19 felly efallai y bydd angen i chi addasu rhai o’r gweithgareddau ar sail canllawiau cadw pellter eich ysgol. Barnwch chithau a dywedwch wrthym sut rydych chi wedi addasu’r gweithgareddau, neu os hoffech drafod syniadau cysylltwch ag Healthy.schools@wales.nhs.uk neu Ysgolion.Iach@cymru.nhs.uk

Stribed comig (10-15 munud)

Yn addas ar gyfer CA2 a grwpiau cymunedol

Bydd y gweithgaredd hwn yn helpu cyfranogwyr i ddeall sut i ddefnyddio gwrthfiotigau’n gywir, gan gynnwys pryd na ddylech chi eu cymryd a pham.

Mae crynodeb o’r cyfarwyddiadau ar gyfer grwpiau ysgol a grwpiau cymunedol yma. Hefyd, mae dolen yn yr adran lawrlwytho isod.

Ymwrthedd bacteriol (10-15 munud)

Yn addas i Gyfnodau Allweddol 3, 4 a 5 a grwpiau cymunedol

Mae’r gweithgaredd hwn yn defnyddio dangosiad gweledol i esbonio beth yw ymwrthedd i wrthfiotigau gan ddefnyddio balŵns, a sut y gall hyn ymledu drwy atgynhyrchiad i facteria eraill.

Mae crynodeb o’r cyfarwyddiadau ar gyfer grwpiau ysgol a grwpiau cymunedol yma. Hefyd, mae dolen yn yr adran lawrlwytho isod.

Ymwybyddiaeth am Wrthfiotigau a Newid Lliw

Yn addas i Gyfnod Allweddol 2 a grwpiau cymunedol

Mae’r gweithgaredd hwn yn cynnwys arbrawf sy’n defnyddio newidiadau mewn lefelau pH a newid lliw i esbonio bod gwrthfiotigau’n effeithio ar heintiau bacteriol yn unig, ac nad ydynt yn cael unrhyw effaith o gwbl ar heintiau firaol.

Mae crynodeb yma o’r cyfarwyddiadau ar gyfer grwpiau ysgol a grwpiau cymunedol. Hefyd, mae dolen yn yr adran lawrlwytho isod.

Arbrawf gan ddefnyddio platiau agar

Yn addas i Gyfnod Allweddol 3

Yn y gweithgaredd hwn byddwch yn gwneud arbrawf gyda phlatiau meithriniad agar a dangosyddion. Byddwch yn tyfu meithriniadau microbaidd ac yn profi a yw’r microbau’n cael eu lladd gan amrywiaeth o wrthfiotigau, yna byddwch yn penderfynu pa ficrob sy’n achosi’r salwch ac a oes angen gwrthfiotigau.

Mae crynodeb o’r cyfarwyddiadau ar gyfer grwpiau ysgol a grwpiau cymunedol yma. Hefyd, mae dolen yn yr adran lawrlwytho isod.

Cymerwyd y ddelwedd o becyn gwers CA3 e-Byg.

Gwrthfiotigau ar blât agar: O’r chwith i’r dde: Penisilin, Meticillin, Erythromycin, Vancomycin, Amoxicillin.

Fideo o’r arbrawf:

Hwyl i’r Plant

Addas i Gyfnod Allweddol 2 a grwpiau cymunedol

Yn y bennod hon, mae’r Athro Hallux a Nyrs Nanobot yn dysgu rhagor am system imiwnedd rhyfedd y corff gan ddefnyddio Helitelbubble i edrych ar gelloedd gwaed arbennig, yn cynnwys lymffocytau a ffagocytau.

Yn y bennod hon, mae’r Athro Hallux a Nyrs Nanobot yn canfod rhagor am wrthfiotigau sy’n helpu i drin heintiau difrifol a achosir gan facteria. Roedd y gwrthfiotig cyntaf un, penisilin, yn ganfyddiad damweiniol gan Alexander Fleming yn 1928!

Pecyn drafod am ymwrthedd i wrthfiotigau

Mae hwn yn addas i Gyfnodau Allweddol 3, 4, a 5 a grwpiau cymunedol

Mae e-Byg wedi datblygu pecyn drafod am ymwrthedd i wrthfiotigau sy’n galluogi i fyfyrwyr ac aelodau’r gymuned drafod y pwnc dadleuol hwn: “A ddylai’r GIG ddweud wrth feddygon teulu roi presgripsiwn wedi’i ohirio yn lle rhoi gwrthfiotigau ar unwaith, lle bynnag y gallent?”

Os ydych chi’n cefnogi dysgu yn y cartref neu’n gweithio gyda grwpiau bach o blant, mae gennym weithgareddau ychwanegol am ymwybyddiaeth am wrthfiotegau yn ein Pecyn Gweithgareddau i Arweinwyr a Gwirfoddolwyr ar gyfer Bathodyn Ieuenctid y Gofalwr Gwrthfiotigau. Cliciwch yma i agor yr adnodd hwn.

Ydych chi wedi gwneud unrhyw weithgareddau sy’n debyg i’r rhain?

Gadewch i ni wybod am eich profiadau yn y sylwadau isod.