Y cefndir: Ymdrechion cenedlaethol a chymunedol i ostwng ymwrthedd

Dolenni ar gyfer y gweithgareddau: cyrchu gwybodaeth am iechyd ar-lein, gweithgareddau am frechiadau, a sefyllfaoedd yn ymwneud â gwrthfiotigau.

Mae llywodraethau a systemau iechyd yn gweithio i ostwng ymwrthedd gwrthficrobaidd drwy wneud pethau fel hyn:

• Gwella’r ffordd mae systemau gofal iechyd yn darparu moddion gwrthfricrobaidd ac yn rhoi presgripsiwn ar eu cyfer.
• Cynyddu ymwybyddiaeth y cyhoedd a phobl broffesiynol am ymwrthedd gwrthficrobaidd.
• Datblygu cyffuriau a thriniaethau newydd.
• Buddsoddi mewn ymchwil i ddeall y mater yn well.

Mae adroddiad diweddar (Ymdrin ag ymwrthedd gwrthficrobaidd 2019-2024: Cynllun gweithredu cenedlaethol pum mlynedd y DU) yn nodi bod y defnydd o wrthfiotigau yn y DU wedi gostwng, ond bod angen gwneud rhagor yn rhan o hynny i wella gallu’r cyhoedd i atal a rheoli heintiau.

Cymerwyd y ddelwedd hon o Ymdrin ag ymwrthedd gwrthficrobaidd 2019-2024: Cynllun gweithredu cenedlaethol pum mlynedd y DU.

Rhan allweddol o gynllun gweithredu cenedlaethol y DU yw sicrhau bod plant a phobl ifanc yn deall y prif faterion sy’n gysylltiedig â chlefydau heintus a defnyddio moddion gwrthficrobaidd. Mae defnyddio e-Byg i addysgu plant a phobl ifanc am heintiau, hylendid a gwrthfiotigau wedi ei grybwyll fel astudiaeth achos o fewn y cynllun gweithredu.

Mae asiantaethau allweddol fel y Sefydliad Cenedlaethol dros Ragoriaeth mewn Iechyd a Gofal (NICE) wedi enwi e-Byg fel un ffordd o gefnogi’r bobl hynny sy’n addysgu plant am hylendid a defnyddio moddion gwrthficrobaidd mewn ffordd sy’n briodol i’w hoedran a’u gallu. Mae’r fideo isod yn esbonio sut mae’r canllawiau’n mynd i’r afael ag ymwrthedd gwrthficrobaidd.

Mae crynodeb PDF o’r fideo yn yr adran lawrlwytho isod.

Mae angen i ni addysgu pobl eraill am fesurau effeithiol i reoli heintiau a defnyddio moddion gwrthficrobaidd yn gywir yn ein cymunedau. Gall hyn gynnwys defnyddio offer fel adnoddau e-Byg i drafod heintiau sy’n gwrthsefyll cyffuriau, defnyddio gwrthfiotigau, a brechiadau, gydag ysgolion a grwpiau cymunedol allweddol. Gall hefyd gynnwys bod yn ymwybodol o bolisïau rheoli heintiau a rheoli moddion gwrthficrobaidd yn ein cymunedau.

Trafodwch yn y sylwadau isod:

• Ydych chi’n teimlo y gallech chi drafod gwrthfiotigau a brechiadau gyda phlant a phobl ifanc yn eich lleoliad?
• A oes unrhyw feysydd y gallech chi eu cael yn heriol?
• Hoffem eich annog i helpu eich gilydd gydag atebion i’ch heriau!