Y Cefndir: Beth allwn ni ei wneud i ofalu amdanom ein hunain?

Dolen ar gyfer y gweithgaredd: sefyllfaoedd yn ymwneud â gwrthfiotigau.

Mae gan bob un ohonom ran i’w chwarae o ran helpu i leihau heintiau. Rhan o hyn yw gwybod sut y gallwn atal heintiau a gofalu amdanom ein hunain pan fyddwn yn sâl.

Mae hyn yn cynnwys mesurau a gafodd sylw yn wythnosau un a dau fel golchi’r dwylo a gwybod sut i baratoi a storio bwyd yn ddiogel.

Gallwn drin yr heintiau mwyaf cyffredin gartref drwy orffwyso, bwyta’n iach ac yfed digonedd o hylif i osgoi dadhydriad. Mae’r tabl isod yn rhoi gwybodaeth ynglŷn â pha mor hir mae rhai pyliau o salwch cyffredin yn para.

Cliciwch yma i edrych yn agosach

Sut i’ch trin eich hun ar gyfer yr heintiau hyn, nawr a’r tro nesaf:

• Cymerwch ddigonedd o orffwys.
• Yfwch ddigonedd o hylifau er mwyn osgoi teimlo’n sychedig.
• Gofynnwch i’ch fferyllydd lleol argymell meddyginiaethau i helpu eich symptomau neu boen (neu’r ddau).
• Mae twymyn yn arwydd bod y corff yn brwydro’r haint a bydd yn gwella ar ei ben ei hun yn y mwyafrif o achosion. Gallwch ddefnyddio parasetamol neu ibuprofen os ydych chi neu eich plentyn yn anghyfforddus oherwydd twymyn.
• Defnyddiwch hances bapur a golchwch eich dwylo’n dda er mwyn helpu i atal ymlediad eich haint i’ch teulu, ffrindiau a phobl eraill yr ydych yn eu cyfarfod.
• Dylech weld clinigwr os bydd eich symptomau’n mynd yn waeth neu mae’r salwch wedi para’n hirach na’r disgwyl.

Mae hon, Taflen Haint y Llwybr Anadlu, yn ganllaw gyda lluniau sy’n rhoi gwybodaeth am hunanofal i wneud pobl yn fwy gwybodus ac i newid eu hymddygiad mewn perthynas â defnyddio gwrthfiotigau. Gall clinigwyr a fferyllwyr yn y DU ddefnyddio gwahanol ffurfiau o’r daflen hon i’w helpu yn ystod ymgynghoriad â chleifion. Gallai fod yn ddefnyddiol hefyd os ydych yn trafod hunanofal gyda phlant hŷn neu roddwyr gofal.

Mae gan y daflen hon wybodaeth ynglŷn â pha mor hir y dylai heintiau cyffredin bara, symptomau difrifol fyddai angen sylw meddygol ar frys a lle i fynd am gymorth, gan gynnwys rhifau ffôn pwysig.

Mae manylion am ragor o daflenni defnyddiol yn yr adran ‘gwelwch hefyd’ isod.

Ydy’r plant yn eich gwlad chi’n tueddu i fynd i’r ysgol pan maen nhw’n sâl?

Gadewch i ni wybod am eich profiadau yn y sylwadau isod.