Gweithgareddau Bygiau Bwyd

Datblygwyd e-Byg i’w ddefnyddio mewn ysgolion cyn COVID-19 felly efallai y bydd angen i chi addasu rhai o’r gweithgareddau ar sail canllawiau cadw pellter eich ysgol. Barnwch chithau a dywedwch wrthym sut rydych chi wedi addasu’r gweithgareddau, neu os hoffech drafod syniadau cysylltwch ag Healthy.schools@wales.nhs.uk neu Ysgolion.Iach@cymru.nhs.uk

Fideo Canfod y Camgymeriadau (10-20 munud)

Mae’r fideo uchod yn fideo newydd sy’n gadael i addysgwyr chwarae clip byr o gogydd yn gwneud pryd o gyw iâr wedi tro-ffrïo.

Mae angen i’r myfyrwyr chwilio am gamgymeriadau hylendid bwyd. Trwy deilwra’r drafodaeth i’r grŵp oedran cywir bydd y myfyrwyr yn dysgu am bethau sy’n ymwneud yn arbennig â hylendid bwyd a bydd yn cysylltu â’r cwricwlwm cenedlaethol.

• Bydd myfyrwyr iau yn trafod y rheolau hylendid bwyd a dorrwyd a sut y gallai hynny eu gwneud nhw neu bobl eraill yn sâl.
• Bydd myfyrwyr 11-14 oed (CA3) yn dechrau grwpio’r camgymeriadau’n ddau gategori:
  • Camgymeriadau hylendid bwyd mewn perthynas â diogelwch y person sy’n paratoi’r bwyd.
  • Camgymeriadau hylendid bwyd mewn perthynas â diogelwch y cwsmer, neu pwy bynnag fydd yn blasu’r cynnyrch.
• Bydd myfyrwyr hŷn 15-18 oed (CA4) yn canolbwyntio ar gynnwys o’r HACCP (Dadansoddi Peryglon a Phwynt Rheoli Critigol) yn eu trafodaeth.

Ar ôl y drafodaeth, bydd y myfyrwyr yn gwylio yr un sefyllfa heb unrhyw gamgymeriadau i atgyfnerthu’r arferion hylendid da.

Yn y fan yma mae taflen drafodaeth i’w defnyddio gydag ysgolion a grwpiau cymunedol. Mae dolen yn yr adran lawrlwytho isod hefyd.

Trefnu bwyd (10-20 munud)

Yn addas i CA2 a grwpiau cymunedol

Bydd y gweithgaredd hwn yn helpu cyfranogwyr i weld bod microbau’n gallu bod yn ddefnyddiol neu’n niweidiol. Mae gofyn i gyfranogwyr drefnu gwahanol fwydydd i ddangos a ydyn nhw’n cynnwys/wedi eu gwneud gyda microbau defnyddiol, neu’n cynnwys microbau niweidiol/sy’n dirywio bwyd.

Yn y fan yma mae crynodeb o’r cyfarwyddiadau ar gyfer ysgolion a grwpiau cymunedol. Mae dolen yn yr adran lawrlwytho isod hefyd.

Pa mor lân yw eich cegin? (10-20 munud)

Yn addas i Gyfnodau Allweddol 1 a 2 a grwpiau cymunedol

Mae hwn yn ddangosiad neu arbrawf ymarferol y gallwch ei ddefnyddio i addysgu am groeshalogiad, y parth peryglus, hylendid bwyd a diogelwch bwyd, yn ogystal â hylendid offer a hylendid y dwylo. Mae’r cyfranogwyr yn gwneud brechdan cyw iâr gan ddefnyddio cyw iâr, bara a salad oll wedi eu gwneud o does chwarae, ynghyd â phopty tegan. Defnyddir gel UV a thortsh i ddangos croeshalogiad a sut mae microbau wedi ymledu o amgylch y gegin.

Yn y fan yma mae crynodeb o’r cyfarwyddiadau ar gyfer ysgolion a grwpiau cymunedol. Mae dolen yn yr adran lawrlwytho isod hefyd.

Os ydych yn cefnogi addysgu yn y cartref neu’n gweithio gyda grwpiau bach o blant, mae gennym weithgareddau ychwanegol ar hylendid bwyd yn ein Pecyn Gweithgareddau i Arweinwyr a Gwirfoddolwyr ar gyfer Bathodyn Ieuenctid y Gofalwr Gwrthfiotigau. Cliciwch yma i ddefnyddio’r adnodd hwn.

Ydych chi wedi gwneud unrhyw weithgareddau sy’n debyg i’r rhain?

Gadewch i ni wybod am eich profiadau yn y sylwadau isod.