Gweithgareddau Diogelu yn Trechu’r Bygiau

Datblygwyd e-Byg i’w ddefnyddio mewn ysgolion cyn COVID-19 felly efallai y bydd angen i chi addasu rhai o’r gweithgareddau ar sail canllawiau cadw pellter eich ysgol. Barnwch chithau a dywedwch wrthym sut rydych chi wedi addasu’r gweithgareddau, neu os hoffech drafod syniadau cysylltwch ag Healthy.schools@wales.nhs.uk neu Ysgolion.Iach@cymru.nhs.uk

Mae’r gweithgareddau hyn yn canolbwyntio ar ddysgu grwpiau ysgol ac aelodau’r gymuned am gyrchu gwybodaeth iechyd ar-lein, yn ogystal â rhoi gwybodaeth iddynt am bwysigrwydd brechlynnau i atal heintiau a sut y dylid defnyddio gwrthfiotigau’n gyfrifol.

Cyrchu Gwybodaeth Iechyd Ar-lein (15 munud)

Yn addas i ysgolion a grwpiau cymunedol

Bydd y gweithgaredd hwn yn helpu cyfranogwyr i fod yn fwy hyderus ynglŷn â chyrchu gwybodaeth iechyd ar-lein a dysgu lle i fynd i gael gwybodaeth ddibynadwy.

Mae crynodeb yn y fan yma o’r cyfarwyddiadau i grwpiau ysgol a grwpiau cymunedol. Mae dolen yn yr adran lawrlwytho isod hefyd.

Gweithgaredd brechu (15 munud)

Yn addas i Gyfnod Allweddol 3

Bydd y gweithgaredd hwn yn helpu cyfranogwyr i ddeall beth yw brechiadau a sut y gallent helpu i atal ymlediad haint i bobl eraill a chyfrannu at imiwnedd. Mae crynodeb yn y fan yma o’r cyfarwyddiadau ar gyfer grwpiau ysgol a grwpiau cymunedol. Mae dolen yn yr adran lawrlwytho isod hefyd.

Cymerwyd y ddelwedd o NIAID flickr.

Sefyllfaoedd yn ymwneud â gwrthfiotigau (10-15 munud)

Yn addas i grwpiau ysgol a chymunedol

Bydd y gweithgaredd hwn yn helpu cyfranogwyr i ddeall trafodaethau a allai ddigwydd cyn i ni ddefnyddio neu dderbyn gwrthfiotigau a sut i wneud penderfyniadau deallus am ddefnyddio gwrthfiotigau drwy edrych ar sefyllfa tri o gleifion. Mae’n atgyfnerthu’r negeseuon hyn: peidio cymryd gwrthfiotigau ar gyfer peswch ac annwyd, cymryd gwrthfiotigau fel y nodir ar y presgripsiwn a pheidio defnyddio gwrthfiotigau pobl eraill neu wrthfiotigau a adawyd yn weddill.

Mae crynodeb yn y fan yma o’r cyfarwyddiadau ar gyfer grwpiau ysgol a grwpiau cymunedol. Mae dolen yn yr adran lawrlwytho isod hefyd.

Os ydych chi’n cefnogi dysgu yn y cartref neu’n gweithio gyda grwpiau bach o blant, mae gennym weithgareddau ychwanegol i ddysgu am wrthfiotigau yn ein Pecyn Gweithgareddau i Arweinwyr a Gwirfoddolwyr ar gyfer Bathodyn Ieuenctid y Gofalwr Gwrthfiotigau. Cliciwch yma i agor yr adnodd hwn.

Ydych chi wedi gwneud unrhyw weithgareddau sy’n debyg i’r rhain?

Gadewch i ni wybod am eich profiadau yn y sylwadau isod.